Open Banking

Çfarë është Open Banking?

Open Banking (Bankingu i Hapur) është një nismë inovative nga Banka e Shqipërisë e cila mundëson ndarjen e sigurt të të dhënave financiare të klientëve ndërmjet bankave ose institucioneve të tjera financiare dhe Ofruesve të Shërbimit të Pagesave përmes teknologjisë API (Application Programming Interface), e cila lejon aplikacionet të komunikojnë me njëra-tjetrën. Kjo sjell më shumë transparencë, efikasitet dhe mundësi të reja për menaxhimin e financave personale apo të biznesit. 
Open Banking mund të përdoret nga individë dhe biznese, që dëshirojnë të menaxhojnë më mirë financat e tyre.

Avantazhet për klientët:

• Mundësi për të menaxhuar llogaritë bankare në një aplikacion të vetëm.
• Shërbime të personalizuara dhe teknologjikisht të avancuara.
• Akses në partnerë FinTech të besuar.
• Siguri maksimale për të dhënat personale, në përputhje me standardet e Bashkimit Europian.

Si aksesohet? 

Për të aksesuar Open Banking mjafton të bëni download aplikacionet e Ofruesve të Shërbimit të Pagesave, të cilat janë të licensuara për të aksesuar të dhënat e bankës.

Roli i ProCredit Bank në këtë shërbim:

• Siguron infrastrukturën teknologjike për ndarjen e të dhënave përmes API-ve.
• Garanton sigurinë, privatësinë dhe përputhjen me Direktivën Europiane për Shërbimet e Pagesave.
• U mundëson Ofruesve të Shërbimit akses në informacionin e llogarive dhe realizimin e pagesave me miratimin e klientit.

*ProCredit Bank u mundëson Ofruesve të Shërbimit të Pagesave akses në informacionin e llogarive të klientit dhe realizimin e pagesave, bazuar në pëlqimin e tij, në përputhje me Direktivën Europiane për Shërbimet e Pagesave. Ofruesit e Shërbimit të Pagesave mund të lidhen me API-në e dedikuar, që ofron një ndërfaqe të sigurt dhe efikase. 

Informacion teknik
Për testime dhe zhvillim, është i disponueshëm ambienti SANDBOX. Palët e interesuara mund të gjejnë këtu links për ta aksesuar.